Home

कोकणातल्या सिंधुदूर्ग जिल्हयाचे प्रवेशव्दार वैभववाडी.

वैभववाडी तालुका हा महाराष्ट्र राज्यातील सिंधुदूर्ग जिल्हयातील प्रवेशव्दार म्हणुन ओळखला जाणारा तालुका आहे. कोकण व पश्चिम महाराष्ट्र यांना जोडणारा तालुका म्हणजे वैभववाडी महाराष्ट्र राष्ट्रीय महामार्ग क्र. 115 ने कोकण व पश्चिम महाराष्ट्र जोडले गेलेले आहे. कोकणातील सौंदर्य , सहयाद्रीचा कणखरपणा यांचा मिलाफ म्हणजे वैभववाडी.
वैभववाडी तालुका हा ग्रामीण तालुका म्हणून ओळख असलेला तसेच पारंपारीक शेती व शेती पुरक व्यवसाय हेच येथील लोकांचे मुख्य उत्पन्नाचे स्त्रोत आहेत. औदयोगिकीकरणाचा या तालुक्याला स्पर्श नसल्याने निसर्गाचे निखळ सौंदर्य आजवर जपलेले आहे. वैभववाडी तालुक्याला धबधब्याचा तालुका अशी वेगळी ओळख असून नापणे, करुळ, शिराळे, आचिर्णे येथील धबधबे प्रसिध्द आहेत. वैभववाडी तालुक्यामध्ये कुर्ली, नाधवडे , आखवणे अशी तीन विशाल धरणेसमाविष्ठ आहेत. ऐनारी येथील प्राचीन गुहा, नाधवडे येथील उमाळा ही ठिकाणे पर्यटन स्थळे म्हणून प्रसिध्द आहेत.